Maamul goboleedka ashahaada la dirirka ah ee Soomaaliland, ayaa markii ugu horraysay si rasmi ah u shaaciyay in aysan qayb ka ahayn heshiis kooxda Riddada Soomaaliya maamulka badda ugu wareejisay dowladda Riddada ah ee Turkiga, iyadoo sheegtay in ciidanka badda ee dowladdaasi aysan iman karin xeebaha ku teedsan magaalooyinka uu maamulkooda ka arrimiyo, sidoo kalena aysan ka howlgali karin.
Waxay ugu yeeraan wasiirka arrimaha debadda ee maamulka Somaliland, Ciise Kayd ayaa waraysi uu bixiyay kaga hadlay arintaasi, isagoo sheegay inaysan qayb dhul badeedka uu ka howlgali doono ciidanka Turkiga ee ay bixisay kooxda Riddada ah ee fadhigeedu yahay Muqdisho.
“Turkiga waan u sheegnay in aanay xeebaha Somaliland soo gali karin, waxay ogyihiin in Somaliland xeebaheeda u taliso, Muqdishana ayna u talin. Wax haba yaraatee aanu warwar ka qabnana ma jiro,” ayuu yiri wasiirka arrimaha debadda maamulkaasi, Ciise Kayd.
Marka laga soo tago in xeebaheeda aysan ka howlgali doonin ciidanka Badda Turkiga, wasiirkan ka tirsan maamulka uu madaxa ka yahay Muuse Biixi ayaa sheegay in maamulkiisa iyo dowladda Itoobiya ay si wadajir ah u dhaqan gelin doonaan heshiiskii burcadnimada ahaa ee ay dowladdaasi ugu wareejiyeen qaybo ka mid ah xeebaha Soomaaliyeed.
Kooxda Riddada Soomaaliya iyo maamul goboleedyada ay reer galbeedku ka dhisteen dalka ayaa u muuqda kuwa ku tartamaya xaraashka khayraadka Soomaaliya, diidmada maamulka Somaliland ee heshiiska badda lala galay Turkiga ayuu dhankiisa sheegay in uu sii xoojin doono, Itoobiyana u dhaqan gelin doono heshiiskii kale ee bad-boobka, balse dadka Soomaaliyeed iyo hoggaanka Mujaahidiinta ayaa adag u diiday heshiisyadaasi sharci darrada ee lagu boobayo khayraadka uu Allaah SWT ku mannaystay dadka Soomaaliyeed.
