Hogaanka ciidamada Kufaarta Afrikaanta ee duulaanka ku jooga Wilaayaatka dalka Soomaaliya ayaa sheegay iney boqolaal ka tirsan askartooda kala baxeen Soomaaliya.
Taliska ciidamada AMISOM ayaa shaaca ka qaaday in ay hir galiyeen ballan qaadkoodii ahaa in ay dabayaaqada sannadkan maanta ku eg iyo bilowga sanadda 2018 ay Soomaaliya ka duulin doonaan in ka badan kun askari oo ciidamadooda ah.
Dowladda Uganda ayaa shaaca ka qaadday in tirada ciidamadii kaga soo aaday bixitaanka ay u dhoofiyeen dalkooda halkaas oo ay eheladooda si farxad leh ugu soo dhaweeyeen.
Richard Karemire oo ah sarkaal afhayeen ah oo u hadlay askarta Uganda ayaa yiri: “Ballan qaadkii Amisom ee ahaa in 1000 Askari ee ugu horreysa AMISOM ay ka bixi doonaan Soomaaliya ugu dambeyn 31da December oo ku beegan shalay oo Axad aheyd uguna dambeysa 2017ka la hir galiyay”.
Francisco Madeira oo isna ah madaxa howlgalka AMISOM ayaa bishii la soo dhaafay sheegay in ciidamada ka jooga Soomaaliya laga dhimayo 1000 Askari kuwaasoo ugu dambeyn baxaya maanta oo ay taariikhdu ku beegan tahay 31 December 2017.
Qorshuhu waxa uu yahay in 1000 Askari oo kale laga saaro Soomaaliya marka la gaaro 31 bisha May ee soo socota, habkaasi tartiibka ah ayayna ciidamadooda uga saari doonaan illaa laga gaarayo sannadka 2020.
Dalka Soomaaliya waxaa kusoo duulay ciidamo badan oo ka socda dowlado kala duwan kuwaasoo u yimid iney xaqiijiyaan ahdaafta ay ka leeyihiin wadankan ay dadkiisu Muslimiinta yihiin, kheyraadkana uu iska dhex ceegaago.
Askarta Afrikaanta ah ayaa waxay sheegaan iney Soomaaliya ka joogaan 22,000 oo Askari oo ka kala socda dalalka: Uganda, Burundi, Kenya, Ethiopia iyo Djibouti. Laakin waxaa xusid mudan in Itoobiya kaligeed ay dalka ka joogaan in ka badan toban kun oo askari.
Intaa waxa dheer ciidamada caddaanka ah ee ka socda Mareykanka, Ingiriiska, shirkadaha calooshood u shaqeystayaasha, Turkiga iyo Askarta Boliska ee ka socda wadamada Ghana, Nigeria, Zambia iyo kuwo kale.
Dowladda Uganda oo ay Soomaaliya ka joogeen ka joogeen 6000 oo Askari ayaa waxay sheegtay in ay hadda la bexeen 281 Askari oo ka mid ah 6000 ee Askari.
Isku soo wada duuboo bixitaanka ciidamada AMISOM ayaa kusoo aaday iyadoo uu duullaankoodu 10 jirsaday islamarkaana ku fashilmay iney xaqiijiyaan hadafka dalka loo keenay oo ahaa iney wiiqaan awooda Al-Shabaab, Soomaaliya oo dhanna ay qabsadaan, waxaana arrimahaasi Allaah kadib u sabab ah dagaalka dhiig baxa ah ee ay sida joogtada ah ugala kulmayaan dhaqdhaqaaqa Al-Shabaab.
