Taliyaha ugu sarreeya ciidamada Yugaandha ayaa farriin goodis ah u diray mid ka mid ah siyaasiyiinta ugu saamaynta badan waddanka Uganda, kaasi uu ugu hanjabay in uu dili doono.
General Muhoozi, oo ah taliyaha guud ee ciidamada Yugaandha, ahna nin uu dhalay baadariga madaxweynaha ka ah wadankaasi Yuweeri Musaveni, ayaa bartiisa gaarka ah ee X oo horay loo oran jiray Twitter soo dhigay qoraal uu ku shaaciyay sida uu u doonayay in uu u dilo hoggaamiyaha mucaaradka ninka lagu magacaabo Bobi Wine.
Wuxuu tilmaamay in uu doonayo in uu madaxa ka gooyo hoggaamiyaha mucaaradka Uganda, balse uu ku ixtiraamayo aabihiis sida uu hadalka u dhigay.
“Haddii Mzee uusan halkaas joogin, maanta ayaan madaxa ka jari lahaa,” ayuu ku yiri qoraal uu soo dhigay bartiisa oo ay daabacday wakaaladda wararka ee Reuters.
Generaalkan uu dhalay kaligii taliska madaxweynaha ka ah Yugaandha, ayaa sannadu markii ay ahayd 2022-kii ku hanjabay in uu weerari doono Kenya, kolkaas oo caro xooggan ay ka dhalatay qoraal uu sidan oo kale ugu soo daabacay bartiisa X, taasi oo keentay in ugu dambayn uu raali gelin bixiyo.
