Wararka laga helayo deegaanka Biyo cadde ee hoostaga degmada Mahadaay ee gobalka Shabeelada dhexe waxey sheegayaan in saacadihii lasoo dhaafay ciidamada Xarakada Alshabaab weerar culus ku qaadeen difaacyada maleeshiyaatka dowlada federaalka ee deegaankaasi.
Xilliga weerarka waxey maleeshiyaatka dowlada Ridada isku diyaarinayeen iney lacago baad ah ka aruuriyaan suuqa deegaanka oo ah suuq todobaadle ah oo Jimco walbo la isugu yimaada.
Dadka deegaanka waxey warbaahinta qaar u xaqiijiyeen in weerarkaasi lagu dilay taliyihii maleeshiyaatka Booliska deegaanka Biyo cadde kaasi oo lagu magacaabi jiray Ismaaciil Mucalim Mukhtaar oo ku magacdheeraa Roorow.
Taliyaha waxaa lala dilay askari ka tirsan maleeshiyaatka Boolis sidoo kale waxaa weerarkaasi lagu dhaawacay gudoomiye ku xigeenka deegaanka Biyo cadde ee maamulka isku mugacaabay Hir-shabelle ninka lagu magacaabo Xaadoole Mucalim Mukhtaar kaasi oo garabka ay rasaas ka haleeshay.
Dadka deegaanka waxey intaasi raaciyeen in ciidamada Xarakada Shabaabul Mujaahidiin ee weerarka fuliyay ay horay u qaateen qori nooca AK47 ah.
Weerarkan waxa uu imaanayaa xilli habeenkii xalay ciidamada Muslimiinta weeraro saf ballaaran ah ay ku qaadeen difaacyada ciidamada Murtadiinta Jabuuti iyo kuwa Xabashida Itoobiya ay ka kala sameysteen degmada Jalalaqsi iyo deegaanka Halgan oo ka wada tirsan gobalka Hiiraan.
Calamada.com
