Weerar hubeysan oo khasaare dhimasho iyo mid dhaawacba dhaliyay ayaa markale laga soo tabiyay caasimadda waddanka Maraykanka ee Washington, sida laga soo xigtay saraakiisha booliska.
Sarkaal ka tirsan booliska saliibiyiinta Maraykanka ayaa sheegay in toogashadaasi lagu dilay ugu yaraan hal qof oo dumar ah, ka dib markii ay haleeshay rassaas xooggan oo uu furay qofka hubeysan iyo dhawaca 2 kale, iyadoo ciidamada booliskana ay rassaas ku fureen weeraryahanka.
Taliska Booliska ayaa sheegay in ay dhaawaceen qof looga shakisan yaahy in uu ka dambeeyay weerarka, muuqaal laga soo duubay goobta uu weerarku ka dhacay oo ka agdhawayd kaalin shidaal ayaa muujinayay nin hubeysan oo rasaas ku furaya 3 qof ee midna dhintay labada kalena ay dhaawacyo yihiin.
Goobjoogeyaal dhacdadan laga waraystay ayaa wargayska Washington Post ee laga leeyahay Maraykanka, u sheegay in labada qof ee dhalinyarada ah ee dhaawacyada qaba ay isku dayeen inay iska caabiyaan weeraryahanka, balse uu rassaas xooggan oodda kaga qaaday, taas oo soo dadajisay inay dhaawacmaan lana dhigo goobaha caafimaadka.
Waa mid ka mida toogashooyinka laga soo tabiyo waddanka Maraykanka waxayna toogashooyinkaas keeneen heer ay Ameerikaankii isku baacsanayaan waddooyinka Washington, tani ayaana muujinaysa habcsanaanta amni iyo xakamayn la’aanta hubka ee dowladda saliibiyadda ah ee Maraykanka.
