Toogasho wadareed hubeysan oo lagu dilay siddeed xubnood oo Ameerikaan ah ayaa lasoo wariyay inay ka dhacday magaalada Chicago ee carriga Maraykanka, halkaas oo badanaa ay ka dhacaan toogashooyinka hubeysan.
Booliska Mareykanka ayaa ku dhawaaqay in uu is dilay nin hubeysan oo looga shakisan yahay in uu ka dambeeyay toogashooyinka lagu dilay 8-da xubnood, kaddib markii uu weerar laba maalmood socday ku beegsaday goobo kala duwan oo kuyaal xaafad ka tirsan magaalada Chicago, halkaas oo uu iska hor’imaadyo xooggan kula galay ciidamada ammaanka ee gobolka Texas, iyagoo shaaciyay in markii dambe uu is toogtay.
Booliska tuulada Jolit oo dhinaca koonfur-galbeed ka xigta magaalada Chicago ayaa sheegay in ninka la tuhusanaa oo lagu magacaabo Romeo Nance oo 23 sano jir ah, markii ugu dambeysay uu ku sugnaa meel u dhow Natalia oo ka tirsan gobolka Texes.
Nance oo ahaa nin ku caan baxay toogashooyin wadareedka ayaa maalmihii Axadda iyo Isniintii lasoo dhaafay ilaa 3 weerar oo uu ka gaystay gudaha iyo duleedka magaalada Chicago ku dilay siddeed xubnood, waxayna boolisku soo bandhigeen sawirradiisa, inta badan dalkan waxaa ka dhaca toogashooyin wadareedka ay dadka badan ku dhintaan.
