Dowladda Riddada Turkiga ayaa wafdi heer saraakiil ah oo ka tirsan ciidamadeeda usoo dirtay Soomaaliya, si ay u fuliyaan heshiiskii xaaraanta ahaa ee kooxda Riddada Soomaaliya ay dowladdan ugu wareejisay maamulka Badda ee dalka, waxayna saraakiishan Arbacadii shalay kasoo degeen Muqdisho.
Wafdigan ka socda dowladda dabadhilifka ah ee Turkiga, waxaa si wayn usoo dhaweeyay waziirka gashaandhigga ee kooxda Riddada murtad Cabdulqaadir Maxamed Nuur iyo taliyaha ugu sareeya maleeshiyaadka murtadiinta murtad Ibraahim Muxiyadiin, iyo saraakiil iyo masuuliyiin kale oo ka tirsan kooxda murtad Xassan Gurguurte, waxayna ku qaabileen xarunta wazaaradda gaashaandhigga ee kooxda Riddada Soomaaliya.
Wafdiga saraakiisha ah ee ka socda Turkiga, ayaa la sheegay inay isugu jiraan saraakiil ka kala socota taliska ciidanka Badda ee Turkiga, midka dhulka iyo saraakiiil kale oo ka tirsan wasaaradda gaashaandhigga ee dowladda Riddada ah ee Turkiga, kooxda Muqdisho waxaa sidoo kale shirka goob joog uga ahaa Cabdi Warsame, oo ah taliyaha ciidamada badda Riddada, taliyaha ciidanka lugta Riddada Dayax Cabdi Cabdulle iyo saraakiil kale.
Ujeedka socdaalka saraakiishan Turkida ah ayaa la wariyay in uu yahay fulinta heshiiskii burcadnimada ahaa ee 8-dii bishii lasoo dhaafay ee February ay kooxda Riddada Soomaaliya Turkiga la saxiixatay heshiis dhigaya in maamulka badda Soomaaliya lagu wareejiyo Turkiga, wallow magaca heshiiskaasi la huwiyay heshiis difaac iyo mid dhaqaale, wafdiga ka socda dowladda Turkiga ayaana dowladda Riddada ah u sheegay inay doonayaan dhismaha ciidamo badeed oo ay leedahay kooxda Riddada, ujeedkoodana uu yahay xoojinta iyo fulinta heshiiskaasi xaaraanta ah.
