Ismaaciil Haniya ayaa ku guuleystay hoggaaminta Xarakada wax iska caabinta islaamiga Xamaas ee ka dagaallanta dhulalka Filasdiin.
Hoggaanka guud ee Xamaas ayaa ku dhawaaqay in isbedel dhan walba ah lagu sameeyay hab dhismeedka maamuleed ee Ururka  oo gacanta ku haaya Marinka Ghaza.
Haniya ayaa doorasho ka dhacday gudaha Filasdiin uga guuleystay Muusa Abu Marzuuq oo bilihii lasoo dhaafay dadaal ugu jiray hoggaaminta Xarakada.
Khaalid Mishcal oo 60 sana jir ah ayaa maktabka siyaasadda Xamaas hoggaaminayay muddo 21 sanadood ah 1996-2017 wuxuuna ka badbaaday isku dayo dhowr ah oo la doonayay in lagu khaarijiyo.
Ururka Xamaas ayaa sidoo kale ku dhawaaqay isbedel dhanka manhajka ah wuxuuna Ururka markii ugu horraysay sheegay in uu yahay mid wadani ah islamarkaana aan lala xiriiri Karin Ikhwaanul Muslimiin iyo Jaamaacadka kale ee ku eedaysan dambiyada loogu yeer Argagaxisada.
Inta badan Hoggaamiyaasha Xamaas ayaa kunool dibadda waxayna xafiisyo uga furanyihiin wadamada Urdun, Qadar iyo Masar waloow sanadadii dambe ay iskasoo horjeedeen nidaamka C.Fataax Alsiisi.
