Faahfaahino dheeraad ah ayaa kasoo baxeysa khasaaraha ka dhashay qarax culus oo kolanyo ka tirsan Xabashida Itoobiya lagula beegsaday gobalka Hiiraan.
Qaraxa ayaa haleelay gaari Uuraal ah kaasi oo gabi ahaantiis goobta ku basbeelay sida ay sheegeen dadka deegaanka waxaana dhimasho iyo dhaawac ku noqday dhammaan ciidamadii saarnaa.
Dad ku sugan deegaanka Ceelgaal ayaa warbaahinta u sheegay in ay arkayeen qiic iyo Uuro Madoow oo ka baxaya gaariga qaraxa lala helay, warar hordhac ah waxay sheegayaan in 30 askari Itoobiyaan ah ay dhimasho iyo dhaawac ku noqdeen qaraxa.
Qaraxa kadib ayay ciidamada Itoobiya waxay rasaas ku fureen wadada hareeraheeda balse illaa iyo hadda lamasoo sheegin wax khasaare ah oo dad shacab ah kasoo gaartay rasaasta.
Xarakada Mujaahidiinta Al Shabaab ayaa sheegatay mas’uuliyadda qaraxan waxeyna Mujaahidiinta war kooban oo ay soo saareen ku xaqiijiyeen in “30 askari oo Xabashida Itoobiya ah dhimasho iyo dhaawac ay ku noqdeen qaraxa lagula eegtay deegaanka Ceel Muslim, kolonyada qaraxa lala helay ayaa ka baxday magaalada B/weyne waxayna kusii jeedday dhanka Itoobiya” ayaa lagu yiri warka kasoo baxay Al Shabaab.
