Taliska ciidanka Mujaahidiinta Al-shabaab, ayaa goordhow warsaxaafadeed cusub kasoo saaray howlgalka lixaadka leh ee ay ciidamada mujaahidiintu ka wadaan dhismaha xarunta SYL ee kaabiga ku haysa xaruunta madaxtooyada kooxda Riddada ee magaalada Muqdisho, halkaas oo lagu beegsaday masuuliyiin, saraakiil iyo xubno murtadiin ah oo muhiim u ah kooxda Riddada.
Taliska ciidanka mujaahidiinta ayaa sheegay in howlgalka Inghimaasiga ah uu galay saacaddiisii 10-aad oo xiriir ah, ragga Inghimaasiyiinta ah ay iska caabiyeen ilaa 7 weerar oo ay soo qaadeen maleeshiyada Riddada, kuwaas oo ay ku doonayeen inay kusoo badbaadiyaan masuuliyiinta Riddada ee weli ku go’doonsan dhismaha xaruunta, si adagna ay uga hortageen Inghimaasiyiinta, kuna qasbeen inay dib uga gurtaan nawaaxiga dhismaha.
Taliska ciidanka ayaa xaqiijiyay in howlgalkan ka socda dhismaha xarunta SYL ee magaalada Muqdisho uu dhaliyay khasaare dhimasho iyo dhaawac ah oo soo gaaray xubnaha murtadiinta oo ay ka mid yihiin masuuliyiin siyaasadeed, saraakiil ciidan iyo askar.
Hoos Ka Akhriso Warsaxaafadeedka Taliska Ciidanka Mujaahidiinta:
Hawlgalka ay Ciidamada Mujaahidiintu ka wadaan xarunta loo yaqaano SYL ee kaabiga ku haysa madaxtooyada ridada ee magaalada Muqdisho ayaa galay saacaddii tobanaad waxayna geesiyaasha Mujaahidiinta ah ee hawlgalka fulinaya si buuxda gacanta ugu hayaan dhismaha xarunta. Dhismahan uu hawlgalku ka socdo ayaa gabbaad u ah saraakiil, masuuliyiin iyo xubno muhiim u ah kooxda ridada Soomaaliya iyo dagaalka ashahaada la dirirka ah ee ay saliibiyiinta iyo murtadiintu ka wadaan dalka Soomaaliya ee ay Muslimiintu leeyihiin.
Hawlgalka ayaa soo billawday xalay saacaddu markii ay ahayd 21:45 fiidnimo, iyadoo ay Allaah fadligiis ciidamada Mujaahidiintu gudaha u galeen gacantana ku dhigeen xarunta cadawga ee ay beegsadeen, kadib markii ay camaliyad ishtish-haadi ah ku laayeen ilaaladii xarunta. Cadawga ayaa isku deyay tiro todobo jeer ah inuu gudaha usoo galo xarunta balse Mujaahidiinta ayaa kala hortegay dagaal adag, kuna qasbay in ay dib u cararaan kadib markii laga dilay saraakiil iyo askar, kuwaas oo ay maydadkooda goobta dagaalka uga carareen.
Xilligan oo ay saacaddu tahay 07:00am subaxnimo, hawlgalka ayaa weli sidii loo qorsheeyay uga socda gudaha xarunta SYL, waxaana jira khasaare dhimasho iyo dhaawac farabadan oo cadawga lagu gaarsiiyay weerarka, kuwaas oo ay ku jiraan masuuliyiin siyaasadeed, saraakiil ciidan iyo askar.
Wixii faahfaahin ah dib ayaan ka soo gudbin doonaa insha-Allah.
Halkan Ka Degso Bayaanka Taliska Ciidanka.
