Taliska ciidamada mujaahidiinta ayaa warsaxaafadeed muhiim ah oo uu soo saaray ku bogaadiyay weerarkii lixaadka lahaa ee ay maalmo ka hor ciidamada mujaahidiintu cagta ku mariyeen saldhiggii maleeshiyaadka Ridada deegaanka Masagawaay ee wilaayada Galgaduud.
Taliska ciidanka ayaa sidoo kale shaaciyay xogta sarkaal sare oo ciidamada millatariga saliibiyiinta Yugaandha looga dilay weerarkii aadka u xoogganaa ee Isbuuc ka hor ay mujaahidiintu cagta ku mariyeen saldhigga ciidanka Uganda ee degmada Buulo-mareer ee wilaayada Sh/hoose, magaca sarkaalka lagu dilay weerarkaas iyo ciidanka uu haystay ayaa lagu sheegay warsaxaafadeedka oo kusoo baxay 2 luuqadood.
Hoos Ka Akhriso Warsaxaafadeedka Taliska Ciidanka Mujaahidiinta.
“Bogaadin iyo Bishaaro weeraradii Masagawaay iyo Buulo-Mareer”
15 Dul-Qacda 1444 H (04 June 2023)
Taliska ciidanka Xarakada Mujaahdiinta Al-Shabaab wuxuu bogaadinaya hawlgalkii barakeysnaa ee Mujaahidiintu ku qaadeen saldhigga maleeshiyaatka riddadu ku lahaayeen deegaanka Masagawaay ee Wilaayada Islaamiga ah ee Galgaduud. Dhanka kalena wuxuu taliska ciidanka Xarakada Mujaahidiinta Al-Shabaab Muslimiinta ugu bishaareynaya in ay xaqiijiyeen in weerarkii barakeysnaa ee Buulo-Mareer lagu dilay sarkaal sare oo ka tirsanaa hoggaanka ciidamada saliibiyiinta ATMIS qaybta Yugaandha kaas oo lagu magacaabi jiray gaashaanle dhexe Edward Nyororo.
Gaashaanle Nyororo wuxuu ahaa taliyaha guud ee guutada Zulu ee ka tirsan ciidamada saliibiyiinta Yugaandha kuwaas oo ka hawlgala saldhigyada Buula-Mareer, Golweyn iyo Baladul Amiin ee Wilaayada Islaamiga ah ee Shabeellada hoose. Mahad oo idilna Allaah ayey usugnaatay.
