Wararka ka imaanaya gobolka Nugaal ayaa sheegaya in ciidamada maamulka ‘Puntland’ ay xanibaad kusoo rogeen dad doonayay in wasiir katirsan DF-ka ay kusoo dhoweeyaan Garoowe.
Muuqaal lagu baahiyay baraha bulshada ayaa muujinayay ciidamo hubaysan oo qoor qabanaya tobanaan ruux oo doonayay in ay wasiirka soo dhoweeyaan.
Dad kamid ahaa kuwii ladhibaateeyay ayaa warbaahinta usheegay in ciidamo hubaysan ay udiideen soo dhoweynta wasiirka qorshaynya DF-ka islamarkaana ay is hor taag ku sameeyeen in ay gudaha ugalaan garoonka diyaaradaha Garoowe.
Wararkii ugu dambeeyay ayaa sheegaya in wasiir Jamaal oo caraysan uu safar dhanka lugta ah ku aaday magaalada Dhahar ee gobolka Sanaag halkaas oo uu ka sameynayo olole doorasho.
Wasiirkan lagu bahdilay Garowe ayay si aad ah isugu dhowyihiin madaxweyne Farmaajo lamana oga in dhacdadii maanta ay ku leedahay khilaafka siyaasadeed ee Villa Somalia ka jira.
Halkan Kala Soco Wararka Deg Dega Ah Ee Website-ka Calamada.
Calamada.com
