Wararka ka imaanaya gobolka Sh/dhexe ayaa sheegaya in markale weerar khasaara dhaliyay lagula beegsaday maleeshiyaad katirsan dowladda Federaalka Soomaaliya.
Weerar dhabagal ah oo maanta barqadii ka dhacay wadada laamiga ah ee xiriirisa degmooyinka Jowhar iyo Balcad ayaa lagu dilay ugu yaraan sedax askari oo katirsanaa ciidamada dowladda.
Ilo wareedyo ayaa xaqiijinaya in ciidamada Al Shabaab ay wadada ugaleen kolonyo gaadiid ah oo ka yimid dhanka Muqdisho kuwaas oo sahay ugelbinayay ciidamada Burundi.
Ugu yaraan sedax Askari ayaa la xaqiijiyay in ay ku dhinteen weerarka dhabagalka ah iyadoona qarax miino lagu burburiyay gaari booyad ah oo shidaal siday, ciidamadan weerarada iyo qaraxyada lakulmay ayaa saad ugelbinaya Burundeyska ku sugan Jowhar.
