Ciidamo katirsan Xarakada Mujaahidiinta Al-Shabaab ayaa weerar culus kala hortagay ciidamo katirsan maamulka Jubbaland oo dhaq-dhaqaayo ka waday nawaaxiga deegaanka Baar-sanguuni ee gobolka Jubbada hoose.
Dagaalka oo ahaa mid culus, labada dhinacna isku adeegsadeen hubka noocyadiisa kala duwan waxaa khasaare lagu gaarsiiyay ciidamada maamulka Axmed Madoobe.
Ugu yaraan 5 askari oo katirsan ciidamada Jubbalan ayaa ku geeriyooday dagaalka, waxaana jira dhaawacyo kale walow aaney inoo suuragelin inaan helno tiradooda rasmiga ah.
Marka laga soo tago dagaalka tooska ah waxaa jiray qarax lala eegtay ciidamada maamulka Axmed Madoobe uu hogaamiyo, qaraxaas oo ku badiyay khasaaraha soo gaaray ciidamada.
Marar badan ayaa waxaa nawaaxiga Baar-sanguuni isku fara saaray ciidamada Xarakada Mujaahidiinta Al-Shabaab iyo kuwa maamulka Jubbaland.
