Ciidamo katirsan Melleteriga Kenya ayaa lagu dilay weerar hubeysan oo ka dhacay deegaan ay gacanta ku hayaan ciidamada shisheeye oo katirsan gobolka Jubbada Hoose ee Koonfurta dalka Soomaaliya.
Wararka ka imaanaya duleedka degmada Afmadoow ayaa sheegaya in ciidamo katirsan Xarakada Al Shabaab ay weerar ku qaadeen saldhig ay melleteriga Kenya ku leeyihiin deegaanka Taabto oo kala qeybiya degmooyinka Afmadoow iyo Dhoobleey.
Weerarka oo dhacay xalay Maqribkii ayaa sababay dhimashada sedax askari oo katirsan ciidanka Kenya, wariye Cismaan Dhuuboow oo ku sugan gobollada Jubbooyinka ayaa sheegay in sedax askari oo waardiye ka haayay mid kamida saldhigyada Melleteriga Kenya ee Taabto lagu dilay weerarka.
“Mujaahidiinta ayaa weerar kedis ah ku qaaday saldhigga ciidanka Kenya ee deegaanka Taabto waxayna toogasho ku dileen sedax askari oo xilligaas ilaalo ka hayay saldhigga” sidaas waxaa yiri wariye Andalus ugasoo warrama Jubbooyinka.
Illaa iyo hadda wax war ah kamasoo bixin dhanka dowladda Kenya oo ku aaddan khasaaraha dhankeeda kasoo gaaray iska hor’imaadkii xooganaa ee ka dhacay deegaanka Taabto, dadka deegaanka ayaa warbaahinta u sheegay in xalay maqribkii ay maqlayeen hugunta madaafiic iyo rasaas lays dhaafsanayay.
