Gaza waxay maanta marti gelisay weeraro culus oo lagu beegsaday ciidamada Yahuudda, raadiyaha ku hadla afka ciidamada sahyuuniyiinta ah, ayaa caawa ku dhawaaqay in 10 askari oo ciidamadooda ka tirsan ay ku dhaawacmeen madaafiicyo xooggan oo lagu garaacay deegaanka Rafax ee dhaca koonfurta Marinka Gaza.
” Kooxaha Falastiin waxay ciidanku ku garaaceen madaafiic hoobiyeyaal, illaa dhowr jeer oo madaafiic ah ayaa haleelay ciidanka militariga ee ku sugan aagagga isgoysyada iyo marinka Rafax”, waxaa sidaas yiri mid ka mid ah wariyeyaasha idaacadda ciidanka Yahuudda.
Warbaahinta gumeystuhu waxay intaas ku dartay in 10-ka xubnood ee dhaawacyada qaba ay ka mid ah yihiin 3 xaaladood oo halis ah iyo 6 xaaladood oo dhexdhexaad ah.
Saacadihii lasoo dhaafay ayay ahayd markii ciidamadii ugu badnaa uu taliska gumeystuhu qirtay in looga dhaawacay dagaallo aad u culus oo lagula galay waqooyiga marinka Gaza.
