Wararka ka imaanaya dhulka barakaysan ee Filistiin ayaa sheegaya in weerar gaari jiirsiin ah lala beegsaday maleeshiyaad ka tirsan ciidamada yahuudda oo ku sugnaa magaalo dhacda daanta galbeed ee ku hoos jira gumeysiga sahyuuniyadda.
Weerarkan gaari jiirsiinta ayaa si gaar ah kaga dhacay inta u dhaxayso magaalada Al-khaliil iyo Baytu laxam oo wada dhaca waqooyiga daanta galbeed, halkaas oo uu nin dhalinyaro ah ku beegsaday Yahuudda.
Warbaahinta maamulka gumeysiga ee fadhigiisu yahay Tal’abiib ayaa xaqiijisay in weerarka gaari jiirsiinta ah ay ku dhaawacmeen 3 askari oo ka tirsan ciidamada Yahuudda, 2 ka mid ah dhaawacyada ayayna ku sheegeen inay yihiin kuwa aad u liita.
Maamulka gumeystaha ee uu hoggaamiyo Netanyahu ayaa sidoo kale sheegay inay toogteen weeraryahanka Filistiiniga ah ee weerarka ku beegsaday Yahuudda, oo ay sheegeen in uu horay uga tirsanaa ciidanka ammaanka ee maamulka Filistiiniyiinta.
