Ciidamada Xarakada Shabaabul Mujaahidiin ayaa saacdihii lasoo dhaafay weeraro xiriir ah ku qaaday maleeshiyaatka dowlada Ridada federaalka iyo ciidamada Shisheeyaha ee duulaanka ku jooga qeybo ka mid ah Konfurta iyo bartamaha dalka Soomaaliya.
Weerarka kowaad oo kamiin ahaa waxaa lala beegsaday kolanyo ka tirsan ciidamada Kufaarta Xabashida Itoobiya oo ku socdaalayay wadada isku xirta xirta degmada Beledweyne iyo deegaanka Halgan ee gobalka Hiiraan.
Kamiinkan oo ah midkii Saddexaad oo muddo 24 saac gudahood ah lala beegsada kolanyadaan Itoobiyaanka ah waxa uu si gaar ah kaga dhacay agagaarka deegaanka Nuur-fanax ee duleedka degmada Beledweyne.
Warar hoose hoose ayaa sheegaya iney jiraan khasaara nafeet iyo mid hantiyadeed oo soo gaartay askarta Kufaarta Xabashida Itoobiya ee kamiinka lagula beegsaday agagaarka deegaanka Nuur Fanax.
Dhanka kale askari ka tirsan maleeshiyaatka dowlada Ridada federaalka ayaa ku dhaawacmay weerar saacadihii lasoo dhaafay ciidamada Shabaabul Mujaahidiin ay ka fuliyeen deegaanka Buulo fooliye ee duleedka degmada Afgooye.
Sidoo kale habeenkii xalay waxey ciidamada Shabaabul Mujaahidiin dagaal culus ku qaadeen difaacyada ciidamada Kufaarta Afrikaanta iyo kuwa dowlada Ridada federaalka ay ka sameysteen gudaha degmada Afgooye.
Habeen hore ayeey aheed markii sidoo kale ciidamada Shabaabul Mujaahidiin ay dagaal culus ku qaadeen difaacyada ciidamada Kufaarta Kenya ay ka sameysteen degmada Baardheere ee gobalka Gedo.
Calamada.com
