Ciidamada Shabaabul Mujaahidiin ee ka howlgala wilaayada Sh/hoose, waxay saacadihii lasoo dhaafay dagaallo culus oo toos ah ku mireen saldhigyo ciidan oo ay saliibiyiinta Uganda iyo kuwa murtadiinta ah ku kala leeyihiin deegaanka Buur-colow ee hoostaga degmada Baraawe iyo deegaanka Ceelasha biyaha ee dhaca duleedka magaalada Muqdisho.
Sidoo kale waxay ciidamada mujaahidiintu weerar abaabulan oo dagaal toos ah ku qaadeen saldhigga maleeshiyaadka Riddada ee maamul goboleedka ashahaada la dirirka ah ee Koonfur galbeed kaga suganyihiin deegaanka Goof-gaduud Buurey ee hoostaga magaalada Baydhaba.
Dhanka kale, tafaasiil dheeraad ah ayaa kasoo baxaya howlgal qarax ah oo saacadihii lasoo dhaafay ciidanka guutada qarxyada mujaahidiinta Al-shabaab la beegsadeen kolonyo murtadiin ah oo kasoo baxay degmada Bardaale kuna sii jeeday dhanka magaalada Baydhabo.
Howlgalka oo ka dhacay inta u dhaxayso deegaanka Awdiinle iyo magaalada Baydhaba, ayay dhimashadu maraysaa 12 murtad oo ay ku jiraan laba sarkaal oo lagu kala magacaabi jiray Soomow oo ahaa taliye xigeenkii maleeshiyaadka waxay ugu yeeraan daraawiishta Riddada ee degmada Bardaale iyo Ibraahiim Cali Aadan oo loo yaqaanno ibraahim Rakow, kaasi oo ahaa madaxii Lacagaha baadda ee maamulka Riddada ugu magacaaban deegaanka Awdiinle.
Sidoo kale waxaa howlgalkan qaraxa ah ku dhaawacmay shan xubnood oo murtadiin ah, halka gaari Cabdile ah oo ah midka qaraxa lagu beegsaday oo uu ku rakibnaa qori Dhashiike ahna uu goobta ku gubtay.
