Ciidamada Xarakada Mujaahidiinta Al-Shabaab ayaa habeenkii xalay waxay howlgallo ka fuliyeen gobollada Banaadir iyo Shabeellaha hoose, kuwaas oo lagu qaaday ciidamo katirsan dowladda federaalka.
Dhanka Muqdisho, degmooyinka Hodan iyo Heliwaa ayay ciidamada Xarakada Mujaahidiinta Al-Shabaab duulaan ku qaadeen, waxaana la rumeysanyahay inuu jiro khasaare.
Saldhig xaafadda African Village ee degmada Hodan ay ku leeyihiin ciidamada dowladda ayaa rag katirsan Xarakada Mujaahidiinta Al-Shabaab duullaan ku qaadeen, waxaana goobta ka dhacay dagaal in muda ah socday.
Sidoo kale bamb gacmeed ayaa lagu weeraray goob isbaaro ah oo ay xaafadda Suuqa-xoolaha kaga sugnaayeen ciidamo katirsan Dowladda federaalka.
Dhanka kale gobolka Shabeellaha hoose, waxaa ka dhacay weeraro qorsheysan oo ay fuliyeen ciidamada Jabhadda Wilaayada islaamiga ee Shabeellaha hoose.
Fariisin degmada Afgooye ay ku lahaayeen ciidamada dowladda ayaa fiidnimadii xalay la weeraray, waxaana goobta ka dhacay dagaal in muda ah qaatay.
Sidoo kale saldhig ciidamada dowladda ay ku leeyihiin inta u dhexeysa Ceelasha biyaha iyo Lafoole ayaa weerar lagu qaaday, waxaana ciidamada Mujaahidiinta u suuragashey iney kala eryaan ciidamada dowladda.
Howlgallada Jihaadiga noocyadooda kala duwan ee ay fulinayaan ciidamada Xarakada Mujaahidiinta Al-Shabaab ayaa sii kordhaya marba marka ka dambeysa, waxaana taliska milliteriga Mujaahidiinta uu wacad ku maray iney sii laba jibaari doonaan howlgallada milliteri.
