Ciidamada guutada madaafiicda Xarakada Mujaahidiinta Al-shabaab waxay galabta weerar madaafiic ah ku qaadeen saldhigga maleeshiyaadka murtadiinta ay ka degganyihiin duleedka magaalada Camaara ee wilaayada Mudug, lama helin faahfaahin dheeraad ah oo ku adan weerarkaasi.
Dhanka Galgaduud, waxay ciidamada mujaahidiintu galabta weerar kamiin ah u dhigeen maleeshiyaad murtadiin ah oo ku socdaalayay duleedka degmada Ceeldheer ee wilaayada islaamiga ah ee Galgauud, weerarkan jidgalka ah ayaa u dhacay sidii loo qorsheeyay, waxaana kamiinkaasi Allaah fadligiis ku dhaawacmay laba askari oo murtadiin ah.
Dhanka Banaadir, waxay saacadihii lasoo dhaafay ciidamada mujaahidiintu howlgal xooggan oo qarax ah la eegteen fariisin ay ku sugnaayeen maleeshiyaadka murtadiinta, gaar ahaan kuwa qaabilsan la dagaallanka xijaabka sharciga ah iyo niqaabka haweenka, waxaana fariisinka la qarxiyay uu kuyaallaa inta u dhaxeysa Jubba iyo maana booliya ee magaalada Muqdisho.
Sidoo kale waxay ciidamada mujaahidiintu howlgal qarax ah iyo mid kamiin ah la beegsadeen maleeshiyo murtadiin ah oo ku socdaalayay duleedka degmada Dhuusa-mareeb, gaar ahaanna waddada xiriirsa deegaanka Ceeldheere iyo magaalo madaxda gobolkaasi, waxaana halkaasi lagu dilay hal askari oo murtad ah.
