Wararka ka imaanaya dalka Yemen waxey sheegayaan in saacadihii lasoo dhaafay dagaalo culus ay ka dhaceen qeybo ka mid ah Konfurta dalkaasi.
Dagaaladan waxey dhexmareen ciidamada Mujaahidiinta Ansaaru Shareecah iyo maleeshiyaatka Xuuthiyiinta,iyadoona faahfaahino dheeraad ah ay kasoo baxayaan dagaaladaasi.
Dagaalka Kowaad waxa uu ka dhacay agagaarka deegaanka Qeyfah ee gobalka Radaac oo ah gobalka dhaca dhanka Konfur Bari ee dalka Yemen,iyadoona dagaalka uu yimid kadib markii Xuuthiyiinta duulaan kusoo qaadeen Tuulooyin dhaca duleedka deegaankaasi.
Wararkii ugu dambeeyay ee dagaalka ayaa sheegaya in gabi ahaan la jibiyay maleeshiyaatka Xuuthiyiinta oo dib loo celiyay,waxaana dagaalkan looga dilay tiro askar ah oo uu ku jira Taliyihii hogaaminayay kolanyada Xuuthiyiinta ee deegaanadaasi kusoo duulay.
Dagaalka Labaad waxa uu ka dhacay qeybo ka mid ah gobalka Al-beydhaa oo ah gobal dhaca Konfurta dalka Yemen,dagaalka waxa uu yimid kadib markii ciidamada Mujaahidiinta Ansaaru Shareecah ay kamiin u dhigeen kolanyo Xuuthiyiin ah oo ku socdaalayay agagaarka deegaanka They-naacim.
Kamiinkan waxaa lagu dilay Labo askari oo Xuuthiyiin ah kuwaasi oo sidoo kale laga Furtay labadii qori ee ay ku hubeysnaayeen.
Sidoo kale weerar Dhabba gal ah oo ka dhacay agagaarka deegaanka Al-kasaarah oo ka tirsan gobalka Al-beydaa waxaa lagu gubay gaari Cabdi Bile ah kaasi oo sidoo kale dhimasho iyo dhaawac ay ku noqdeen maleeshiyaatkii Xuuthiyiinta ee la socotay gaarigaasi.
Ciidamada Mujaahidiinta Ansaaru Shareecah ee taabacsan Mujaahidiinta Al-qaacidah ee dhulka Jaziiratul Carab ayaa maalmihii dambe sii kordhiyay weerarada ka dhanka ah maleeshiyaatka Xuuthiyiinta.
Calamada.com
