Diyaarad nooca sida qumaatiga u kacdo oo uu la socday madaxwaynaha dowladda shiicada ah ee Iiraan Ibraahim Ra’iisii, iyo qaar ka mid ah saraakishiisii siyaasadeed ayaa shil ku gashay qaybo ka mid ah dalkaasi, iyadoona hubanti la’aan tahay xaaladda madaxweynaha xukuumadda Tehran.
Warar kala duwan ayaa kasoo baxaya dhacdadan shilka ah, warbaahinta Iiraan waxay sheegtay in diyaaradu ay dagtay kadib markii ay cilado lasoo gudboonaatay, waxaana cilladaha keenay in ay dhacdo diyaaraddaasi lagu sheegay cimilada gobolka uu shilku ka dhacay oo ah mid aan wanaagsanayn.
Warar kale oo dhacdadaan kasoo baxaya waxay sheegayaan in diyaaraddu ay dhacday, laakin illaa hadda meel na laguma sheego halka uu ku dambeeyo masiirka nololeed ee madaxwaynaha dalka Iiraan Shiiciga lagu magacaabo Ibraahiim Ra’iisi.
Ilo wareedyo xog-ogaal ah ayaa xaqiijiyay in diyaaradda dhacday ay madaxweynaha Iiraan la saarnaayeen waiirkiisa arimaha dibadda, Xuseen Amiir, Malek Rahmati oo ah guddoomiyaha gobolka Bari ee Azarbayjan, Muhammad Cali al-Haashim.
Ninkan ayaa lasoo wariyay in uu kasoo laabtay xuduudda u dhaxaysa Azarbayjaan iyo Iiraan, halkaas oo uu munaasabad kaga qaybgalay, qaybaha kala duwan ee ciidamada Iiraan iyo sidoo kale hay’adaha gurmadka deg degg ah ayaa ku hawlan baadigobka madaxwaynahooda iyo saraakiisha la socota.
Cali Khamenei oo ah hoggaamiyaha Iiraan, ayaa goordhow mar uu hadlayay muujiyay in xaaladdoodu hubanti la’aan tahay madaxweynaha dalkaasi iyo xubnaha la socda, isagoo sheegay in shilka dhacay uusan keenin doonin wax carqalad ah oo ku imaanaya shaqada dowladda, waa sida uu hadalka u dhigaye.
