Waziirka arrimaha gudaha ee maamulka Riddada ee Hirshabeelle murtad Cabdi Daahir Guure ayaa wareegto uu soo saaray xilkii kaga qaaday guddoomiyaha murtadiinta ugu magacaaban degaanka Halgan ee bariag gobolka Hiiraan, tallaabadaas oo uu kasoo hor jeestay guddoomiyaha gobolka Hiiraan.
Murtad Cali Jeyte oo murtadiinta ugu magacaaban guddoomiyaha gobolka Hiiraan ayaa sheegay in aysan waxba ka jirin warqadda kasoo baxday waziirka arrimaha gudaha ee maamulka Riddada ee fadhigiisu yahay Jowhar.
Murtadkan ayaa sheegay inaan lagala tashan xilka qaadista iyo magacaabista uu sameeyay waziirkan ka tirsan maamulka Hirshabeelle, isagoo xusay inaysan jirin xilka qaadis uu gobolkan ka samayn karo maamulka Jowhar, iyadoo aan lagala tashan.
“Waxaan beeninayaa inaan waxbo kala socon sidoo kalane aan soo-jeedin ka sameeyn xilka qaadista iyo magacaabista uu sameeyey wasiirka arimaha gudaha Hirshabelle Cabdi Daahir Guure ee maamulka Halgan ee gobalka Hiiraan”. Waxaa sidaas lagu yiri qoraal kasoo baxay xafiiska murtad Cali Jeyte.
Dhinaca kale xiisad xooggan oo ka dhalatay xil ka qaadista uu sameeyay maamulka Hirshabeelle ayaa ka taagan gudaha deegaanka Halgan, waxaana deegaankan lagu arkayay maleeshiyaad hubeysan oo ka gadoodsan xilka qaadista lagu sameeyay guddoomiyihii deegaanka.
Lama oga halka ay ku biyo shuban doonto xiisaddan ka taagan deegaanka Halgan ee bariga Hiiraan, waxaana suuragal ah in deegaanka ay ku dagaallamaan ciidanka kasoo horjeeda xil ka qaadista iyo kuwa taageersan.
