Magaalada Muqdisho waxaa qarax culus lagula beegsaday xildhibaan ka tirsan mamaulka gaala raaca Hirshabeelle iyadoona faahfaahin laga helayo qaraxaasi.
Qarax aad u xoogan ayaa lala eegtay gaari uu watay Cabdi Wali Maxamed Ibraahim oo ahaa xildhibaan ka tirsan baarlamaanka HiirShabelle, taas oo keentay in durbaba uu xildhibaanka goobta ku dhinto.
Dad Goobjoogeyaal ah ayaa SomaliMeMo u sheegay in qaraxu uu ahaa mid aad u xoogan, islamarkaana uu gaarigu in muddo ah ku gubanayey halka lagu beegsaday.
Sarkaal sare oo ka tirsan Xarakada Mujaahidiinta Al-Shabaab ayaa Idaacadda Andalus u sheegay in qaraxa ay fuliyeen dagaalyahano ka tirsan ciidamadooda gaarka ah islamarkaana lagu khaarijiyey xildhibaan ka tirsan golaha baarlamaanka ee maamulka HiirShabelle.
“Waxaan beegsanay gaari uu lahaa xildhibaan ka tirsan baarlamaanka HiirShabelle xilli uu marayey meel u dhow madaxtooyada, Waxaana Allaah fadligii inoo suuragashay inaan halkaas ku dilno xildhibaankaas murtadka ah” ayuu yiri Sarkaal ka tirsan Xarakada Mujaahidiinta Al-Shabaab oo la hadlay Idaacadda Islaamiga Andalus.
Xarakada Mujaahidiinta Al-Shabaab ayaa kordhisay weerarada qorsheysan ee ay ku beegsaneyso xildhibaanada Soomaalida, waxaana xusid mudan in bishii Sept. ee la soo dhaafay ay sidan oo kale u beegsatay gaari uu watay xildhibaan Maxamed Mursal Booroow, kaas oo si halis u dhaawacmay, ilaa hadana laga deyrinayo xaaladiisa caafimaad.
