Dagaalka oo aad u xooganaa la iskuna adeegsaday hubka culus iyo kuwa fudud ayaa waxaa uu si gaar ah kaga dhacay deegaanka Miir-Caddo oo qiyaastii 45 km Galbeedka kaga beegan magaalada Dhuumareeb.
Wararka ka imaanaya deegaanka uu dagaalku ka dhacay ayaa sheegaya in Maleeshiyaatka Mushrikiinta ah ee ay Itoobiya taageerto ay weerar ku qaadeen deegaanka Miir-Caddo oo ay ku sugnaayeen maleeshiyo beeleedka hubaysan, halkaasna uu ka qarxay dagaal culus oo labada dhinac dhexmaray.
Sida dadka deegaanka ay u sheegeen warbaahinta Maleeshiyada Mushrikiinta ah oo ku hubaysan illaa afar gaari oo nooca dagaalka ah ayaa weerar kusoo qaaday deegaanka, waxaana dagaal kala hortegay maleeshiya beeleedka hubaysan, waxaana dadka deegaanku ay sheegayaa in inta la xaqiijiyay afar katirsan Mushrikiinta ay halkaas ku dhinteen, halka lix kalena ay ku dhaawacmeen, waxaana dagaalka looga gubay mid kamid ah gaadiidkii dagaalka ee ay kusoo dagaal galeen.
Maleeshiyada Mushrikiinta oo lagu jebiyay dagaalka ka dhacay Miir-Caddo ayaa kusoo laabtay magaalada Dhuusamareed, waxaana halkaas laga soo sheegayaa inuu ka socdo abaabul gurmad ah oo ay Mushrikiintu wadaan.
Dhanka Maleeshiyo beeleedka dagaalka kala hortimid Mushrikiinta ayaa la sheegayaa in uu khasaare dhankooda soo gaaray, iyagoo qaar ka tirsan dhaawacyadooda la gaarsiiyay dhanka deegaanka Xeraale ee Wilaayada Galguduud.
